Այսօր ծանոթանում ենք զուգարանակոնքերի տեսակներին:

Երևի թե քիչ են տան այն իրերը, եթե այդպիսիք կան, որոնք ավելի շատ են օգտագործում, քան ձեր զուգարանակոնքը: Ուստի, այն պետք է լինի հարմարավետ, ֆունկցիոնալ և համապատասխանի ձեր լոգասենյակի դիզայնին:

Ստորև ծանոթանանք զուգարանակոնքերի չորս ամենատարածված տեսակներին և դրանց տարբերություներին:

Երկմաս զուգարանակոնքեր

Զուգարանակոնքերի ամենատարածված տեսակը հենց երկմաս տարբերակներն են:
Կոնքամանն ու ջրամանը(бачок) ստեղծվում են առանձին, այնուհետև կցվում են տեղադրումից առաջ կամ դրա ընթացքում:
Ընդհանրապես, երկմաս զուգարանակոնքերի քաշը և չափը դժվարացնում են դրանց տեղադրումը: Այս տեսակի զուգարանակոնքերի մաքրելը դժվար չէ, բայց միևնույնն է, ավելի աշխատատար է, քան մեկ կտոր մաքրելը:

Երկմաս զուգարանակոնքերը շատ հարմար են մեծահասակների համար: Եթե համեմատենք, ապա հիմնականում երկմասի նստատեղի բարձրությունն ավելին է, քան մեկ ամբողջական մասից բաղկացած զուգարանակոնքինը: Առավելություններից մեկն էլ այն է, որ այս տեսակի զուգարանակոնքերի վերանորոգումը համեմատաբար մատչելի է և բավականին պարզ: Դուք կարող եք առանձին մասերի մեծ մասը վերանորոգել կամ փոխարինել, ինչը ավելի բարդ է մեկ մասից կազմված զուգարանակոնքերի դեպքում:

Մեկ մասից բաղկացած զուգարանակոնքեր

Այս տեսակի զուգարանակոնքերը նույնպես մեծ տարածում ունեն: Դրանց տեղադրումը պարզ է, իսկ մաքրման գործընթացը՝ բավականին հեշտ:

Մեկ մասից բաղկացած զուգարանակոնքերը մի փոքր ավելի թանկ են և միևնույն ժամանակ՝ ավելի դիմացկուն: Դրանք հրաշալի տարբերակ են փոքր լոգասենյակների համար, քանի որ զբաղեցնում են ավելի քիչ տարածք:

Պատից կախվող զուգարանակոնքեր ​

Եթե տարածության պակաս ունեք, ապա զուգարանակոնքերի այս տեսակը հրաշալի տարբերակ է. մոդելը տեղադրելիս ջրամանը (бачок) մնում է պատի ներսում թաքնված:

Ինչպես կարող եք ակնկալել, պատից կախվող զուգարանակոնքերը ունեն ժամանակակից դիզայն: Ի տարբերություն սովորական զուգարանակոնքերի, այս մոդելները ոչ միայն ավելի քիչ տեղ են զբաղեցնում, այլև կարող են տեղադրվել սանհանգույցի գրեթե ցանկացած հատվածում:

Եվ բնական է, որ պատից կախվող զուգարանակոնքերն ավելի թանկ են, քան ավանդական զուգարանակոնքերը ու պահանջում են ավելի շատ նորոգումներ: Քանի որ ջրամանը (бачок) պատի մեջ է, այն վերանորոգելու համար երբեմն հարկավոր է վարձել հատուկ մասնագիտացված փականագործների:

Խելացի զուգարանակոնքեր

Վերջապես, եթե ցանկանում եք առավել հարմարավետ և ֆունկցիոնալ զուգարանակոնքեր, ապա ընտրեք նոր սերնդի մոդելները:

Ինչ հնարավորություններ և առավելություններ ունեն դրանք՝

  • Տաքացվող նստատեղ
  • Շարժումից ակտիվացող լուսավորություն
  • Բիդեթներ
  • Կրկնակի ողողման համակարգ
  • Հոտազերծող համակարգ

Զուգարանակոնքերի բոլոր տեսակներն էլ ունեն իրենց դրական և բացասական կողմերը: Վերոնշյալ չորս տեսակներին ծանոթանալուց հետո կարող եք վստահորեն ընտրել ձեր լոգասենյակին հարմար տարբերակ:

Ի դեպ, մեր խանութ-սրահներում կարող եք գտնել զուգարանակոնքերի մեծ ընտրանի: 🙂