Լոգարանի պարագաները կենսական դեր ունեն ձեր լոգարանի տրամադրությունը, ոճը և ընդհանուր տեսքը որոշելու հարցում: Դրանք ճիշտ ընտրելով, դուք կարող եք մեծացնել տարածությունը և լոգասենյակը դարձնել հարմարավետ, գրավիչ, մինիմալիստական կամ ինչպես ուզում եք:

Ահա ճիշտ պարագաներ ընտրելու փոքր ուղեցույց, որը կօգնի ձեզ այդ հարցում:

Ի՞նչ պետք է անել լոգարանի պարագաներ ընտրելուց առաջ

  • Սահմանեք բյուջե,
  • Կազմեք ձեզ անհրաժեշտ պարագաների ցուցակ,
  • Ուսումնասիրեք տարբեր բրենդերի ապրանքներ:

Ի՞նչ նյութերից պատարաստված պարագաներ ընտրել

Պլաստմասե պարագաներ: Սրանք մատչելի են և, որպես կանոն, համարվում են ժամանակավոր լուծում:

Չժանգոտվող պողպատ: Այս տարբերակները թանկ են, քանի որ դիմացկուն են և օգտագործաման ավելի երկար կյանք ունեն:

Քրոմապատ պարագաներ: Համարվում են չժանգոտող պողպատի այլընտրանք, ավելի մատչելի են:

Կերամիկական և ապակյա պարագաներ: Այս նյութերից պարագաները ամենահեշտն են մաքրվում և պահպանվում, բայց կոտրվելու մեծ հավանականություն ունեն:

Լոգարանի պարագաների ի՞նչ տեսակներ կան

Օճառի և ատամի խոզանակի պահոցներ: Ի տարբերություն առանձին վաճառվող պարագաների (ոչ հավաքածու), օճառի ամանի, ատամի խոզանակի հավաքածուները կրճատում են դրանք առանձին ընտրելու ժամանակը: Կարևորն այն է, որ բոլոր պարագաները պատրաստված կլինեն նույն նյութից, կունենան նույն նախշերը:

Լոգանքի պարագաներ

Ցնցուղի վարագույրներ: Վարագույրները սովորաբար պատրաստվում են պոլիեսթերից: Եթե ընտրում եք ցնցուղի գործվածքային վարագույր, համոզվեք, որ այն ջրակայուն է:

Դարակաշարեր ու լոգասենյակի զամբյուղներ: Դրանք կարող են խնայել ձեզ տարածքը՝ իրենց մեջ միաժամանակ պահելով մի քանի լոգանքի պարագաներ:

Լոգարանի և ցնցուղի գորգեր: Սովորաբար պատրաստված են ռետինից, իսկ ներքևում ունեն ներծծող հատիկներ` սալիկներին կպչելու համար: Դրանք օգնում են նվազեցնել սայթաքելու և ընկնելու վտանգը: Որոշ դեպքերում, ինտերիերից կախված՝ լոգարանների համար կարող եք ընտրել նաև փայտե գորգեր:

Զուգարանի պարագաներ

Զուգարանի թղթի տակդիր: Դրանք ընդհանուր առմամբ ամրացվում են պատի վրա, բայց կան նաև կանգնած տարբերակներ:

Լոգարանի աղբարկղ: Այն պատրաստված է լինում տարբեր նյութերից և կարող է ունենալ շատ չափսեր, բայց կարևորն այն է, որ ունենա հեշտ աշխատող ոտնակ:

Գորգ: Ձեր լոգասնեյակի ոչ պարտադիր բայց ցանկալի պարագաներից է, որը կարող է ստեղծել լրացուցիչ հարմարավետություն:

Այս բոլոր պարագաների մեջ անհրաժեշտ է կատարել այնպիսի ընտրություն, որ ձեր լոգասենյակը ստանա ընդհանուր ոճ և երանգ:

Ի դեպ, մեզ մոտ կարող եք գտնել լոգասենյակի աքսեսուարներ, որոնք կհամալրեն Ձեր լոգասենյակի ինտերիերը: