Առաջին անգամ ծորակները հայտնի դարձան 19-րդ դարում, երբ լորդ Քելվինը ներկայացրեց իր սեփական դիզայնը, որը թույլ է տալիս կարգավորել ջրի ճնշումը: Բնականաբար, մերօրյա նորարար մոդելները էականորեն տարբերվում են դրանց նախատիպերից:

Միասին անդրադառնանք ժամանակակից ծորակների ամենատարածված տեսակներին:👇

-Երկու փականով (ստանդարտ դիզայն)
-Միալծակ ծորակներ
-Թերմոստատիկ ծորակներ
-Անհպում ծորակներ

1. Երկու փականով ծորակները օգտագործվել են սանտեխնիկայում երկար տասնամյակներ: Դրանք ժամանակին զուգահեռ ստացել են տարբեր դիզայներական լուծումներ և մինչ օրս էլ լայնորեն կիրառվում են տարբեր ինտերիերներում:

2. Այս տեսակի ծորակները չունեն փական: Սրանք աշխատում են միայն մեկ լծակով, որը կարող է տեղափոխվել չորս ուղղությամբ: Ուղղահայաց հարթության մեջ շարժվելիս այն կարգավորում է ջրի ճնշումը, իսկ հորիզոնական հարթությունում շարժվելիս`դրա ջերմաստիճանը: Ծորակների այս մոդելները սկսեցին լայնորեն արտադրվել վերջին 15-20 տարվա ընթացքում և արագորեն մուտք գործել մեր առօրյա:

3. Նորարարական տեխնոլոգիաների ներդրման շնորհիվ մարդն ամեն օր փորձում է հարմարավետություն ստեղծել իր կենցաղում: Դրա վառ օրինակներից են թերմոստատիկ ծորակները: Այս մոդելները հագեցած են թերմոստատով, որն ինքնաբերաբար պահպանում է ջրի այն ջերմաստիճանը, որը սահմանում է օգտագործողը: Սա երաշխավորում է «անվտանգությունը» ափսե լվանալիս կամ ցնցուղ ընդունելիս, քանի որ եռացող ջուրը առանց հրահանգի չի հոսի:

Թերմոստատը կազմված է պտտվող երկու բռնակներից: Մեկը կարգավորում է ճնշումը և միացնում ցնցուղը, երկրորդը հագեցած է ջերմաստիճանի սանդղակով ` ցանկալի ջերմաստիճանը ճշգրիտ արտացոլելու համար: Ծորակից հոսող ջրի ցանկալի ջերմաստիճանը անհրաժեշտ է կարգավորել միայն մեկ անգամ: Դրանից հետո ցանկացած հոսքի և ճնշման դեպքում ջերմաստիճանը ինքնին կպահպանվի:

4. Անհպում ծորակները կարող են օգտագործվել նաև տանը՝ խոհանոցում: Սրանք բավականին հարմար են, քանի որ խնայում են ջուրը և թույլ են տալիս լվանալ սպասքը՝ չմտահոգվելով ջրի ճնշման և ջերմաստիճանի համար: Իհարկե, պետք է հասկանալ, որ նման նորարարական մոդելները, համեմատած ավանդական տարբերակների, ավելի բարձր գին են ունենում:

Բայց եկեք չմոռանանք ամենակարևորը. ընտրված ծորակը պետք է լինի հուսալի ու հարմարավետ։ ՎԱԿ շինանյութի խանութում կարող եք գտնել լոգասենյակի ու խոհանոցային ծորակների տարբեր տեսակներ: