Սալիկներ ամրացնելն այնքան էլ բարդ գործ չէ, որքան թվում է։ Պետք է իմանալ որոշակի կանոններ և գործի անցնել։ Սեփական ձեռքերով սալիկներն ամրացնելու համար նախևառաջ հարկավոր է իմանալ՝ ինչպես պատրաստել սոսնձանյութը, ապա այն կիրառելու եղանակը։
Առաջարկում ենք ծանոթանալ սալիկներն ամրացնելու ամենապարզ եղանակներից մեկին KNAUF սոսնձի միջոցով։
KNAUF սալիկի սոսինձը լուծվում է հետևյալ հարաբերակցությամբ։ 1 կգ չոր զանգվածին հարկավոր է ավելացնել 0,25-0,3 լ ջուր, իսկ 25 կգ փաթեթի համար համապատասխանաբար կօգտագործվի 7-7,5 լ հեղուկ։
Անհրաժեշտ է սառը ջուրը լցնել տարայի մեջ, ապա ավելացնել սոսնձանյութն ու շինարարական հարիչով հարել մինչև ստացվի միասեռ զանգված։ Այնուհետև 5 րոպե ծածկել կափարիչով, որից հետո օգտագործել։ Հիշեք՝ սոսնձային շերտի հաստությունը չպետք է գերազանցի 1 սմ-ն։
Ամրացնում ենք սալիկները
Հարդարելուց առաջ անհրաժեշտ է նախապատրաստել բոլոր գործիքները՝ ատամնավոր մածկաթիակն ու ծեփիչը։ Բացի այդ, մակերեսը նույնպես պետք է հավասարեցնել ու մշակել՝
- Մաքրել փոշուց ու կեղտից
- Բետոնի վրայից հեռացնել մածիկի հետքերը
- Մաքրել լուծիչներով ու կենցաղային քիմիական նյութերով
- Հեռացնել հարդարման հին նյութերը
- Թողնել, որպեսզի լավ չորանա
Սոսնձում
Սոսինձը վերցնում ենք ծեփիչով, դնում ենք մածկաթիակի վրա ու հավասարապես տարածում, ապա սոսնձի շերտի վրայով անցնում ենք ատամնավոր մածկաթիակով։
Եթե դրսի հատակի կամ պատերի հարդարման մասին է խոսքը, ապա սոսնձապատում ենք և՛ հատակը, և՛ սալիկը։
Սալիկներն ամուր սեղմում ենք մակերեսին, որպեսզի լավ ֆիքսվեն։
Եթե սալիկի արտաքին կողմի վրա հայտնվում են սոսնձի հետքեր, ապա դրանք կարելի է մաքրել խոնավ սպունգով կամ կտորով մինչև չորանալը։
KNAUF սոսնձի առանձնահատկությունները
- Որքան օդի ջերմաստիճանը բարձր է, այնքան լուծույթով աշխատելու ժամկետը պետք է կարճ լինի
- Չպետք է թույլ տալ, որ արևի ճառագայթները կամ միջանցիկ քամին խանգարեն գործընթացին
- Չի կարելի սոսնձին ավելացնել այլ նյութեր, անգամ՝ ջուր
- Աշխատելուց անմիջապես հետո պետք է գործիքները լվանալ
Ահա այն ամենը, ինչ պետք է իմանալ KNAUF սոսնձի օգնությամբ սալիկներն ամրացնելու մասին։