Ակրիլը սանտեխնիկայի ոլորտում ի հայտ է եկել ոչ այնքան վաղուց։ Տարիների ընթացքում այն իր ամուր դիրքերը հաստատեց շուկայում՝ փոխարինելով չուգունից պատրաստվող լոգարաններին։ Դա պայմանավորված է բազմաթիվ առավելություններով, որն ունի ակրիլային լոգարանը։
Ակրիլային լոգարաններն առանձնանում են՝
- Ամրությամբ
- Թեթևությամբ
- Մաշվածակայունությամբ
- Երկարադիմացկունությամբ
- Գեղեցիկ արտաքին տեսքով
- Բարձր ջերմամեմուսացմամբ, ինչի շնորհիվ ջուրը շատ դանդաղ է սառչում
- Տեղադրելիս որևէ դժվարություն չեն առաջացնում
- Հատուկ խնամք չեն պահանջում
Ակրիլային լոգարանների պահանջարկը մեծ է, ինչը պայմանավորված է ոչ միայն որակական հատկանիշներով, այլև տեսքով՝ գեղեցիկ դիզայն, հարթ մակերես, գունային ընտրության հնարավորություն։
Ինչպես ընտրել ակրիլային լոգարան
Լոգարան ընտրելիս պետք է հաշվի առնել մի շարք կարևոր չափանիշներ՝
Հարմարավետություն
Լոգարանի բարձրությունը չպետք է գերազանցի 60-70 սմ-ն, որպեսզի կարողանան օգտվել ընտանիքի բոլոր անդամները, այդ թվում՝ երեխաները։
Չափեր
Առաջին հերթին պետք է ուշադրություն դարձնել լոգարանի չափերին՝ լայնությանն ու երկարությանը։ Չպետք է մոռանալ այն, որ լոգարանը պետք է համապատասխանի լոգասենյակում հատկացված տարածքին։
Պատրաստման նյութ
Ստուգել շերտերի քանակը, այսինքն՝ լոգարանն ամբողջությամբ պատրաստված է ակրիլի՞ց, թե՞ պլաստմասսա և ակրիլ համադրությամբ։ Մաքուր ակրիլից պատրաստված լոգարաններն առավել դիմացկուն ու հուսալի են։
Ապրանքանի՞շ, թե՞ որակ
Շատ դեպքերում կարևոր է այս երկու պայմանների համադրությունը։ Երբ ապրանքանիշն արդեն հայտնի է շուկայում և ունի մեծ պահանջարկ, ուրեմն առանձնանում է նաև բարձր որակով։
ՎԱԿ Գրուպ խանութ-սրահներում կարող եք գտնել ակրիլային, այդ թվում նաև՝ հիդրոմերսող ակրիլային լոգարանների բազմաթիվ տեսակներ, որոնք կլինեն լավագույն ընտրությունը Ձեր լոգասենյակի համար։