Շուկայում առկա սալիկների բազմազանության մեջ դժվար է կողմնորոշվելը, եթե չգիտեք, թե ինչպես ճիշտ ընտրություն կատարել։ Այսօր կփորձենք պարզել, թե որ առանձնահատկությունները պետք է հաշվի առնել լոգասենյակի համար սալիկներ ընտրելիս։
Պատրաստման նյութը
Կերամիկա
Սա սալիկի ամենատարածված տեսակներից մեկն է, որն առանձնանում է ամրությամբ, խոնավակայունությամբ, երանգների ու նախշերի բազմազանությամբ։
Կլինկեր (կերամիկական աղյուս)
Սալիկի այս տեսակը ստացվում է հատուկ կավից հատուկ տեխնոլոգիայով, ինչի արդյունքում էլ ունենում ենք աղյուսանման սալիկներ։
Կերամոգրանիտ
Սա ամենաերկարադիմացկուն սալիկներից մեկն է, որն առանձնանում է իր ամրությամբ։
Սենյակի չափերը
Լոգասենյակի համար սալիկներ ընտրելիս առաջին հերթին պետք է հաշվի առնել սենյակի չափերը։ Խորհուրդ է տրվում փոքր լոգասենյակի համար ընտրել փոքր կամ միջին չափի սալիկներ։ Օրինակ՝ քառակուսի կամ ուղղանկյուն միջին չափի սալիկներն այս դեպքում լավագույն տարբերակն են։ Ուղղանկյուն սալիկներ ընտրելիս ուշադրություն պետք է դարձնել տեղադրմանը։
Հորիզոնական ուղղությամբ տեղադրված սալիկները տեսողական առումով ընդարձակում են սենյակը, իսկ ուղղահայաց տեղադրելու դեպքում ստեղծվում է բարձր առաստաղի տպավորություն։
Սալիկների կիրառությունը
Սալիկներն օգտագործվում են պատերը կամ հատակը հարդարելու նպատակով։
Հատակի սալիկները սովորաբար ավելի մեծ չափերի են լինում, հաստ են ու հարվածակայուն։
Պատերի երեսպատման սալիկները պետք է ունենան ջուրը ներծծելու բարձր աստիճան, ինչպես նաև էմալե ծածկույթ, որը պաշտպանում է սալիկը քայքայումից։
Ի դեպ, եթե ուզում եք հասկանալ սալիկը նախատեսված է պատերի՞, թե՞ հատակի համար, ուրեմն ուշադրություն դարձրեք նշաններին։
- Պատերի սալիկներ – ձեռքի ափի նշան
- Հատակի սալիկներ – ոտնահետք
Գունային լուծումներ
Բաց գույնի սալիկները (սպիտակ, կաթնագույն, կրեմագույն և այլն) համարվում են դասական և հեշտությամբ համադրվում են ցանկացած այլ գույնի հետ։ Եվ բացի այդ, 1,5 անգամ ընդարձակում են տարածությունը։
Մուգ գույնի սալիկները (սև, մուգ շագանակագույն և այլն) խորհուրդ է տրվում կիրառել ստորին կամ կողային հատվածներում բաց գույների համադրությամբ։
Դե ինչ, հուսով ենք այս խորհուրդները կօգնեն Ձեզ ճիշտ ընտրության հարցում։ Իսկ սալիկների ամենաբազմազան տեսականին կարող եք փնտրել ՎԱԿ շինանյութի խանութ-սրահներում։