Հագուստն ու սպիտակեղենն արագ չորացնելու հարցում կարևոր դեր են կատարում չորանոցները։ Դրանք շատ հաճախ ոչ միայն չորացնող, այլև տաքացնող նշանակություն ունեն և խոնավ պայմաններում օգնում են զերծ մնալ սնկերից ու բորբոսներից։
Չորանոցները շատ հարմար են հատկապես նորածին երեխաներ ունեցող մայրերի համար, քանի որ լվացքն անհամեմատ շատ է լինում, իսկ դրանք չորացնելը՝ խիստ անհրաժեշտ։
Ժամանակակից շուկան առաջարկում է 3 տեսակի չորանոցներ՝
- Ջրային կամ ջեռուցվող
- Էլեկտրական
- Խառը
Ջեռուցվող չորանոցներ
Ջեռուցվող չորանոցները տեղադրվում են լոգասենյակներում և կապված են ջեռուցման համակարգի հետ։ Սրանք ոչ միայն ապահովում են լոգասենյակի ջերմությունը, այլև անհրաժեշտ հագուստն արագ չորացնելու հնարավորություն են տալիս։
Էլեկտրական չորանոցներ
Սրանք ունեն ջերմությունը կարգավորելու հնարավորություն։ Իսկ տեսականու բազմազանությունը թույլ է տալիս ընտրել լոգասենյակի ինտերիերին համապատասխան տարբերակը։
Գոյություն ունեն էլեկտրական չորանոցների մի քանի տեսակներ՝
Պատի
Ամրացվում են պատին, երկարությունը սովորաբար լինում է 1մ։ Իրենց կառուցվածքով անվտանգ են, սակայն պետք է զգույշ լինել, որպեսզի վարդակը բաց լինելու դեպքում խոնավություն չներծծի։
Առաստաղի
Ամրացնում են պատշգամբի առաստաղին, կարող են ունենալ 1-2 մ երկարություն։
Հատակի
Լինում են տարբեր չափերի, անվավոր և ոտիկավոր։ Ունեն նաև ծալելու հնարավորություն, ինչի շնորհիվ ավելորդ տեղ չեն զբաղեցնում։ Այս չորանոցների ջերմությունը մշտապես լինում է միջին աստիճանի, այնպես որ այրվածքներ ստանալու հավանականությունը բացառվում է։
Թմբկային
Թմբուկավոր չորանոցներն այնքան էլ արդյունավետ տարբերակ չեն։ Թեև չորացումը տևում է մոտ 1 ժամ, բայց այդ ընթացքում հագուստը կարող է դեֆորմացվել, իսկ արդուկման գործընթացը դժվարանալ։ Այդ իսկ պատճառով սրանք ավելի քիչ են կիրառվում կենցաղում։
Խառը տիպի չորանոցներ
Սրանք վերը նշված ջեռուցվող և էլեկտրական չորանոցների համադրությունն են։ Աշխատում են ինչպես ջրով, այնպես էլ ջեռուցմամբ։
Դե ինչ, արդեն գիտեք չորանոցների տեսակներն ու դրանց կիրառման առանձնահատկությունները։ Այնպես որ, ընտրելու ժամանակն է։ Իսկ դրա համար երկմտելու կարիք չկա, քանի որ որակյալ չորանոցների ամենալայն տեսականին ներկայացված է ՎԱԿ Գրուպ խանութ-սրահներում։
Եղեք տեղեկացված և կատարեք ամենաճիշտ ընտրությունը։