Շատերն են երազում տաքուկ բնակարան ունենալու մասին, բայց միշտ չէ, որ դա հաջողվում է բոլորին։ Պատճառները բազմաթիվ են՝ սոցիալական պայմանները, բնակարանի ոչ արևկող ու ընդարձակ լինելը, ոչ ճիշտ վերանորոգումը, արտաքին երեսպատումը և այլն։
Այս հոդվածում կներկայացնենք մի քանի միջոց, որոնք կօգնեն մեզ ձմեռն անցկացնել ջերմ բնակարանում։
Եվ այսպես, առաջին ու ամենակարևոր պայմանը բնակարանի ջեռուցումն է։ Ի՞նչ անել։
Ջեռուցման համակարգեր
Աշնանը շատ խանութ-սրահներ գնորդներին հնարավորություն են տալիս կատարելու գերշահավետ գնումներ, ինչի վառ ապացույցը ակցիաներն ու զեղչերն են։ Օրինակ՝ ՎԱԿ Գրուպն առաջարկում է մինչև տարեվերջ ձեռք բերել Lammin բարձրորակ ապրանքանիշի ջեռուցման մարտկոցները 30 %, իսկ գազի կաթսաները՝ 20 % զեղչով։
Ջեռուցվող հատակ
Եթե սիրում եք ամենուր զգալ ջերմություն, ապա մի մոռացեք նաև տաք հատակ ունենալու մասին։ Ցուրտ ձմռանն այլևս տաք լոգանքից հետո ստիպված չեք լինի կանգնել լոգասենյակի սառը սալիկների վրա։ Ի դեպ, տաք հատակը հիանալի լուծում է նաև հյուրասենյակի, խոհանոցի ու ննջասենյակի համար։
Ամուր պատուհաններ
Եթե պատուհանն ունի անցքեր, ուրեմն ժամանակն է այն նոր ու ժամանակակից տարբերակներով փոխարինելու։ Դրա շնորհիվ զերծ կլինեք միջանցիկ քամիներից ու աղմուկից։ Ընտրելիս նախապատվությունը տվեք պլաստիկե պատուհաններին, որոնք գերազանց պահում են ջերմությունն ու հեշտ խնամք են պահանջում։
Տաք վարագույրներ
Պատուհաններից հետո հերթը վարագույրներինն է։ Դրանք կանխում են սառը օդի ներթափանցումն ու բնակարանում ստեղծում տաքուկ մթնոլորտ։ Դրանք կարող են լինել թավշե, բամբակե և այլն։ Ձմեռային վարագույրները պետք է լինեն կարճ, որպեսզի չծածկեն մարտկոցներն ու թույլ տան, որ ջերմությունը տարածվի ողջ սենյակում։
Դե ինչ, բացահայտեցինք տաքուկ ու հարամարավետ տուն ունենալու համար անհրաժեշտ ամենակարևոր պայմանները։
Վայելեք տաք ձմեռն ամենաջերմ բնակարանում։