Նախքան լոգասենյակի համար լվացարան ընտրելը, հարկավոր է հասկանալ, թե որ տարբերակն է մեզ անհրաժեշտ։ Իսկ ի՞նչ է պետք գրագետ որոշում կայացնելու համար․ դե իհարկե, ծանոթ լինել լվացարանների տեսակներին ու դրանց առանձնահատկություններին։
Սովորաբար ընտրելիս առաջին հերթին ուշադրություն ենք դարձնում դիզայնին, որը նույնպես կարևոր է, բայց չպետք է մոռանալ նաև չափերի, որակի և հարմարավետության մասին։
Գոյություն ունեն լվացարանների բազմաթիվ տեսակներ, որոնք տարբերվում են իրենց կառուցվածքով ու տեղադրմամբ։ Ներկայացնում ենք դրանցից ամենատարածվածները՝
Կախովի լվացարանը դասական համարվող տարբերակներից մեկն է, որի վրա կան ծորակի անցքեր՝ նախատեսված տաք ու սառը ջրի համար։
Ներկառուցված լվացարանը համադրված է լինում կահույքի հետ, աշխատում է տաք ու սառը ջրի սովորական ռեժիմով։
Դնովի լվացարանները տեղադրվում են սեղանածածկի վրա, աշխատում են տաք ու սառը ջրերի համակարգով, և ամենակարևորը խողովակերն աննկատ են։
Լվացարանները կարելի է տարբերակել նաև ըստ պատրաստման նյութի՝
Ակրիլային
Ունի քիչ ծակոտկենություն, ինչի շնորհիվ տաք ու սառը ջրերի փոփոխությունը բացասական ազդեցություն չի ունենում նյութի վրա։
Չժանգոտվող պողպատ
Պողպատե լվացարաններն առանձնանում են իրենց ամրությամբ, սակայն կարող են շուտ քայքայվել մաքրող միջոցների օգտագործման հետևանքով։ Բացի այդ, ջրի հետ ունեցած շփումից առաջանում է աղմուկ։
Հախճապակի
Սա նույնպես տարածված նյութ է, ունի ծակոտկեն կառուցվածք, մաքրությունը բավականին հեշտ է՝ շնորհիվ փայլուն մակերեսի։
Ճենապակի
Ճենապակե լվացարանները հնարավոր է ամրացնել պատին կամ տեղադրել գեղեցիկ պատվանդանի վրա։
Ինչպես ընտրել լվացարաններ
Նախքան ընտրելը, պետք է լոգասենյակում որոշել լվացարանի գտնվելու վայրը, հաշվի առնել հարմարավետությունը, ոճային ու գունային համապատասխանությունը սանտեխնիկային։
Վակ Գրուպում առկա լվացարանների բազմազանությունը կօգնի ընտրել լավագույն տարբերակը, որը հարմար կլինի ընտանիքի բոլոր անդամներին։