2020 թվականի ինտերիերն առանձնանում է գունային երանգների բազմազանությամբ, որոնց մի մասին անդրադարձել ենք մեր նախորդ հոդվածներից մեկում։ Առաջարկում ենք ծանոթանալ այս տարվա ամենաթրենդային գույներից ևս մի քանիսին ու դրանց գրագետ կիրառություններին։
Մանանեխագույն
Այս գույնը կարելի է օգտագործել ցանկացած սենյակում և հատկապես սկանդինավյան ոճով հարդարված բնակարաններում։ Եթե ցանկանում եք փոքր-ինչ մեղմել գույնը, ապա համադրեք մուգ կապույտի հետ։
Գրաֆիտե
Շատ հաճախ դիզայներները խուսափում են սև գույնն ուղղակի կերպով կիրառելուց։ Այդ իսկ պատճառով շեշտը դնում են գրաֆիտի (մոխրագույն) վրա, որը կարելի է համադրել սպիտակի, սևի, մոխրագույնի տարբեր երանգների հետ։
Բաց մոխրագույն
Սա 2020 թվականի ինտերիերի ամենակիրառելի գույներից մեկն է՝ աննկատ, նուրբ ու թեթև։ Այն կարելի է օգտագործել ցանկացած ինտերիերում՝ ըստ ցանկության ու ճաշակի։
Մոխրականաչավուն
Այս երանգը պատերի հարդարման լավագույն ընտրություններից մեկն է և հիանալի տարբերակ կարող է լինել հատկապես ամառանոցներում՝ անտառային երանգներով ինտերիեր ստանալու համար։
Ամպամած երկինք
Սա մանուշակագույնի երանգներից մեկն է, որը շատ են կիրառում դիզայներները հատկապես մանկական ենյակի դիզայնում։ Եվ քանի որ մանուշակագույնի ու մոխրագույնի համադրութունը փոքր-ինչ մռայլ է, նախընտրելի է լրացնել մանուշակագույնի առավել հագեցած երանգներով կամ գույնը մեղմել մետաքսե ու թավշե գործվածքների միջոցով։
Դե ինչ, արդեն գիտեք, թե որ գույներն են նորաձև համարվում այս տարի։ Համատեղեք գեղեցիկն ու նորաձևը՝ ներդաշնակություն ստեղծելով ձեր բնակարանում։