KNAUF գերմանական բրենդի պատմությունը սկսվում է 1932 թվականից, երբ հանքարդյուբերողներ Ալֆոնս ու Կարլ Կնաուֆ եղբայրները հիմնեցին իրենց ընկերությունը։ Նրանք երազում էին շինարարությունը դարձնել առավել որակյալ ու արդյունավետ։
1958 թվականին հիմնվում է նրանց գիպսակարտոնե թիթեղներ արտադրող գործարանը։
Գերմանական «տնտեսական հրաշքի» տարիներին ընկերությունը մեծ զարգացում է ապրում, որի արդյունքում փոքր ընկերությունը վերածվում է ձեռնարկությունների մի մեծ ընտանիքի։
Ընկերության առաջին արտադրանքը գիպսային խառնուրդներն են եղել, իսկ արդեն 20-րդ դարի 60-ական թվականներին սկսում են արտադրել մեքենայական օգտագործման ծեփամածիկ և միևնույն ժամանակ դրա համար նախատեսված հատուկ մեքենաներ։
1958 թվականից KNAUF ընկերությունը թևակոխում է զարգացման նոր փուլ։ Այն սկսում է զբաղվել նաև չոր շինարարության համար անհրաժեշտ նյութերի, գործիքների, մետաղական պրոֆիլների արտադրանքով, որոնք անհրաժեշտ էին պատերի և առաստաղների կոնստրուկցիաների տեղադրման համար։
1978 թվականից Կնաուֆ եղբայրներն ընդլայնում են իրենց գործունեության դաշտը՝ արտադրելով մեկուսացնող նյութեր։
1970-ական թվականների վերջին Մոսկվայում բացվում է KNAUF ընկերության ներկայացուցիչ ընկերությունը։ Ռուսաստանից հետո այն մուտք է գործում ուկրաինական շուկա, ապա Ղազախստան, որի ամենախոշոր քաղաքներից մեկում կառուցվում է ժամանակակից գործարան՝ տեղի շուկան բարձրորակ շինանյութերով ապահովելու համար։
Ներդրումներ կատարելով տարբեր երկրներում սեփական ձեռնարկությունների զարգացման համար՝ KNAUF-ն առաջնորդվում է հաճախորդին մոտ լինելու սկզբունքով՝ ապահովելով բարձրորակ արտադրանք մատչելի գներով։
Ահա, թե ինչ արտադրանք է այսօր ներկայացնում՝
- Գիպսակարտոն և գիպսային մանրաթելային թիթեղներ
- Ձայնամեկուսացնող վահանակներ կինոթատրոնների և ձայնագրման ստուդիաների համար
- Երկշերտ գիպսակարտոն և գիպսային մանրաթելային թիթեղներ հատակի համար
- Ջրամեկուսիչ նյութեր
- Գիպսային և ցեմենտային սվաղ շենքերի ճակատային մասի և ներքին պատերի համար
- Չոր և պատրաստի ծեփամածիկներ
- Սալիկների սոսինձ կերամիկական սալիկների, կերամոգրանիտի և մարմարի համար
- Խառնուրդներ աղյուսի և փրփուր բետոնի աշխատանքների համար
- Ունիվերսալ և ջրամեկուսիչ նախաներկեր
- Շինարարական գիպսաստվարաթղթեր
- Կախովի տարրեր գիպսաստվարաթղթե սալերի համար (պրոֆիլներ, խարիսխներ, անկյուններ)
- Շինարարական ժապավեններ
- Գիպսակարտոնը տեղադրելու հատուկ գործիքներ
- Ջերմամեկուսիչ նյութեր փայտե և մետաղական կոնստրուկցիաների համար
KNAUF-ը գերմանական խոշորագույն ներդրողներից է շինարարության ոլորտում։ Ընկերությունն աստիճանաբար ընդլայնում է իր գործունեության սահմանները՝ ձեռնարկություններ հիմնելով Ուզբեկստանում, Վրաստանում, Ադրբեջանում։ Վաճառակետեր ունի նաև Հայաստանում, Բելոռուսիայում, Կիրգիզիայում, Մոնղոլիայում, Տաջիկստանում, Թուրքմենստանում։
Այն համարվում է ընտանեկան բիզնեսի լավագույն օրինակը։ Հենց դրանում է թաքնված բիզնեսի հաջողությունը։