Լոգասենյակի համար սալիկներ ընտրելիս առաջնահերթորեն ուշադրություն դարձրեք որակին: Լոգասենյակի սալիկները պետք է համապատասխանեն հատուկ պահանջներին՝ մասնավորապես, դիմացկունություն խոնավության և բարձր ջերմաստիճանի նկատմամբ:
Ժամանակի ընթացքում դեկորատիվ տարրերը մաշվում են, ուստի դեկոր սալիկները ճիշտ կլինի տեղադրել լոգասենյակի քիչ շփման ենթարկվող հատվածներում:
Նաև խորհուրդ ենք տալիս սալիկներն ընտրել նախքան սանտեխնիկա գնելը. դա թույլ կտա Ձեզ ճիշտ ընտրել դիզայնը և ժամանակին կատարել որոշ փոփոխություններ:
Հատակի սալիկները տարբերվում են իրենց խիտ կառուցվածքով, դրանք ավելի դիմացկուն են խոնավության և արտաքին գործոնների ազդեցության (մաշվածություն, քիմիական միջոցներով մաքրում) նկատմամբ:
Պատի սալիկները հատակի սալիկներից տարբերվում են իրենց բարակությամբ (6-9 մմ), ավելի հեշտ են կտրվում և աչքի են ընկնում դիզայնով: Պատի սալիկներ գնելիս ուշադրությո՛ւն դարձրեք ջրակլանման տոկոսայնությանը, որը չպետք է գերազանցի 20%-ը:
Մենք միշտ ուշադրություն ենք դարձնում մեր տան կահավորանքի գեղեցկությանն ու հարմարավետությանը, մինչդեռ լոգարանի դիզայնը հաճախ դուրս է մնում մեր ուշադրության կենտրոնից: Արժե ավելի շատ ուշադրություն դարձնել լոգասենյակի դիզայնին՝ այն դարձնելով յուրօրինակ և տպավորիչ, ինչպես, օրինակ, հետևյալ լուսանկարներում։
