Բոլորիս ծանոթ է այն զգացողությունը, երբ տան ինտերիերը արդեն հնացել է և թարմացման կարիք ունի: Կարելի է անվերջ փոփոխել պատերի գույնը, ընտրել գունավոր պաստառներ և նոր դեկոր: Սակայն կարելի է փորձել փոխել առաստաղի գույնը: Մարդիկ այնքան են սովորել ստանդարտ ձևաչափին, որ դժվարանում են այլ բան պատկերացնել, այդ իսկ պատճառով մեր ընկերությունը կծանոթացնի ձեզ 2020 թվականի թրենդին՝ գունավոր առաստաղներին:
ԻՆՏԵՐԻԵՐԻ ԴԻԶԱՅՆԻ ԹՐԵՆԴՆԵՐԸ. ՄՈԽՐԱԳՈՒՅՆ ԱՌԱՍՏԱՂ
Գունավոր առաստաղը կարող է ոչ միայն թարմացնել սենյակը, այլ նաև վիզուալ ընդլայնել տարածությունը: Օրինակ՝ այստեղ, մուգ մոխրագույն առաստաղը, որը համադրվում է բաց գույնի պաստառով, ստեղծում է բարձր առաստաղի զգացողություն:
Այստեղ մոխրագույնը ներդաշնակորեն համադրվում է նույն գույնի պաստառի հետ: Համեմատեք. Սպիտակ առաստաղը և մոխրագույնը նույն ինտերիերում: Մոխրագույնը ավելի ժամանակակից տեսք ունի և համապատասխանում է պաստառի նախշերի հետ:
ԻՆՏԵՐԻԵՐԻ ԴԻԶԱՅՆԻ ԹՐԵՆԴՆԵՐԸ. ՎԱՌ ԱՌԱՍՏԱՂ
Խոհանոցը, որը ներկված է սպիտակ գույնով միանշանակ գեղեցիկ և նորաձև տեսք ունի, բայց կարելի է ավելացնել կիտրոնագույն առաստաղ և ամառային թարմությունը կուղեկցի ձեզ նույնիսկ ցուրտ եղանակներին:
Սկանդինավյան ոճը սիրում է պայծառ շեշտադրումներ` պարագաների, սպասքի կամ նույնիսկ կահույքի տեսքով: Վակ Գրուպը ավելի առաջ գնաց և ավելացրեց առաստաղ Վարդո գույնի մեջ: Համաձայնեք, որ տպավորիչ է:
ԻՆՏԵՐԻԵՐԻ ԴԻԶԱՅՆԻ ԹՐԵՆԴՆԵՐԸ. ՎԱՌ ԱՌԱՍՏԱՂ ՄԱՆԿԱԿԱՆ ՍԵՆՅԱԿՈՒՄ
Մանկական սենյակը պարտադիր չէ, որ գունագեղ լինի: Պատերը, կահույքն ու գործվածքները նախագծված են հանգիստ գույներով, իսկ կրկեսի վրան հիշեցնող առաստաղը հետաքրքիր տեսք կավելացնի սենյակին:
Ի դեպ, գունավոր առաստաղները 2020թ.-ի միակ թրենդը չեն: Թե, որ գույներն են նորաձև ինտերիերում 2020 թվականին, կարող եք ծանոթանալ մեր բլոգի մյուս հոդվածներց: