Եթե կարծում եք, որ դռների ընտրությունը հեշտ գործընթացն է, ապա սխալվում եք։ Կան մի շարք գործոններ, որոնք պետք է հաշվի առնել դռներ ընտրելիս՝ գույնը, դրանց համադրությունը հատակի ծածկույթի, պատերի ու կահույքի երանգների հետ։
Եկեք նախ հասկանանք, թե ինչ գործառույթներ ունեն դռները։ Դրանք տարանջատում են սենյակները միմյանցից, պաշտպանում աղմուկից, հոտերից, ցրտից, բացի այդ զարմանալի մթնոլորտ են ստեղծում սենյակում՝ ազդելով տրամադրության վրա:
Ներքին դռների ձևն ու երանգն ընտրելիս ցանկալի է հաշվի առնել մի քանի գործոններ.
✔️տվյալ սենյակի հատակի երանգը
✔️պատերի գույնը
✔️սենյակի կահավորանքը
✔️ինտերիերի ոճը
Ճիշտ ընտրված միջսենյակային դռները կարող են փոխակերպել ցանկացած սենյակի ինտերիերը։
Եթե հետևենք նորաձևությանը, ապա կհասկանանք, որ բաց գույնի դռները նորից վերադառնում են ինտերիեր։ Դրանք ունեն մի շարք առավելություններ, որոնց թվում են՝
Չեզոքություն
Եթե մուգ դռները երբեմն կարող ենք հոգնեցնել, ապա բաց գույնի դռները չեն հոգնեցնում, դրանք չեզոք են ու չունեն ոճային պարտադրվածություն:
Բաց գույնի դռները կարելի է կիրառել ցանկացած սենյակում՝ սկսած հյուրասենյակից մինչև նախասրահ։
Նրբություն
Եթե բնակարաններն աչքի չեն ընկնում ընդարձակությամբ, ապա սպիտակ կամ բաց գույնի դռներն այդ դեպքում հիանալի լուծում են։ Դրանք խորհրդանշում են թեթևություն և նրբություն ու բացի այդ, չեն ծանրացնում բնակարանը։
Պրակտիկություն
Չնայած նրան, որ բաց գույնի դռները լրացուցիչ խնամք են պահանջում, սակայն դրանք բավականին պրակտիկ են ինտերիերում: Ի տարբերություն մուգ դռների, բաց գույնի դռների վրա կուտակված փոշին աննկատ է մնում:
Դե ինչ, միջսենյակային դռներ ընտրելիս հաշվի առեք դրանց առանձնահատկությունները և կատարեք ճիշտ ընտրություն Ձեր ինտերիերի համար: 😊